-Almmuhus-
OĐĐASATAtná NSR kampánja bahčan

Atná NSR kampánja bahčan

-

-

Muhtun nieida vásihii veagalváldima NSR čoahkkima oktavuođas. Son atná dál hui bahčán go NSR lea álggahan iežaset metoo-kampánja, «NSR maid».

NRK Sápmi muitalii duorastaga iđitsáddagis muhtun nieidda birra gii galgá vásihan veagalváldima muhtun Norgga Sámiid Riikasearvvi-čoahkkima oktavuođas.

Dál son atná unohassan go NSR lea álggahan iežaset metoo-kampánnja, «NSRmaid». Son dovdá ahte NSR vikkai čiehkat dáhpáhusa.

 

Vuos ávžžuhedje, muhto datte eai

Dáhpáhus galgá geavvan muhtun jagiid áigi. Nieida lei 16 jagi boaris dalle, ja dievdu lei moanat boarráset go son.

Nieida muitala NRK:i ahte sullii jagi maŋŋil dáhpáhusa son dieđihii dan birra siskkáldasat NSR:s. Su ávžžuhedje váidit dán ášši politiijaide, muhto muhtun áiggi maŋŋil álggi nieida vuohttit ahte eai šat háliidan ahte galggai váidit dan ášši.

Nieida muitala son dovddai ahte sutnje jorgaledje sealggi, ja ahte eai šat jáhkkán sutnje. Dievdu jotkkii NSR:s.

Nieidda govva Sámedikkis rievddai, ja son ii leat šat miellahttun NSR:s.

 

Šiitá

NSR jođiheaddji Beaska Niillas muitala NRK:i ahte sii ávžžuhedje váidit politiijaide, ja šiitá ahte rievdadedje oainnu gaskamuttos.

– Mii leat čađat ávžžuhan ahte bolesáššit gullet bolesiidda, lohká Beaska Niillas NRK:i.

Son dáhkida ahte organisašuvdna fálai dan veahki maid sáhtii. Son mieđiha maid ahte sis eai soaitán buot buoremus njuolggadusat dákkár áššiide, ja movt daid duste ja danne bivde olgguldas veahki dán ášši dustemis.

-Almmuhus-