-Almmuhus-
KULTUVRAÁššu juoiggada dološ luđiid

Áššu juoiggada dološ luđiid

Journalista

-

-

Seammá beaivvi go Ulla Pirttijärvvi nieida Hildá Länsman almmuha skearru, de almmuha son maid skearru. Ovttas lágideaba skearroalmmuheami Helsset gávpogis.

Ulla Pirttijärvi ja Hildá Länsman leaba maŋemus jagiid bargan ovttas Solju joavkkus, ja leaba maiddái 2015:s oassálastán Uuden musiikin kilpailu lávlungilvvus Suomas. 

Solju joavku lea Ávvira dieđuid mielde ain doaimmas, muhto eadni ja nieida leaba lávken goabbat jovkui, ja álggahan ođđa prošeavtta.

Pirttijärvis leaba Olav Torget ja Harald Skullerud mielde čuojaheame Áššu joavkkus, mas almmuhuvvo skearru seamma beaivvi ja sajis go Vildá joavku almmuha skearru, man birra Ávvir čálii ovddit aviissas.

Dáhpáhus lea Helssegis cuoŋománu 4.beaivvi.

 

Vižžet inspirašuvnna Afrihkás

Vuođđun sin musihkas lea árbevirolaš sámi luohti.

Pirttijärvi juoigá su fulkkiid ja su ruovttugili Ohcejoga ja Áŋŋela.

– Dán skearru luođit leat oassi mu sohkaidentitehtas ja dat leat mu ruovttugili Áŋŋela ja mu dála orrunbáikki Ohcejoga guovllu árbevirolaš luođit, čilge Pirttijärvi.

Sin musihkas leat stráŋgačuojanasat ja rumbbut seaguhuvvon juoigamii.

Inspirašuvdnan leat Oarje-Afrihká ritmmat ja árbevierut.

Musihkka čilgejuvvo leat atmosfearalaš ja jaskeslágániin gitta jođánis ritmmaide.

 

Isitrohki siidaguoibmi

Vulleš Heaikka ruoktu lei Ohcejoga Guldalis.

Dát lea Olavi Aikio áhči luohti, Guldal Olavi lei Ulla isitrohki, Jari-Heaikka siidaguoibmi. 

– Lean dainna skearruin háliidan buktit ovdan fulkkiidan ja daid olbmuid luđiid, geat leat mearkkašan olu mu eallimis, lohká Ulla Pirttijärvi preassadieđáhusas.

 

Juoigá ruovttubáikki máilmmis

Máilmmi musihkkalávdi lea guhkit áiggi beassan gullat sin musihka, erenoamážit mii lea Afrihká ja Araber árbevieruin, ja lea dainna báidnán sin čuojaheami ja erenoamáš jiena sin vuosttaš skearrus, čilgejuvvo sin musihka birra preassadieđáhusas.

– Skearrus leat miel­de maiddái dakkár luođit, mat muitalit sámegilážiid birra, ja luođit mat laktásit sápmelaš máilmmigovvii. Ođđaáigásaš musihkka, mii lea ovttastuvvon árbevirolaš luđiide, doarju akustihkalaš stiillain luođi dovdduid ja muitalusa, muitala Pirttijärvi. 

Guovvamánu 6.beaivvi almmuhedje ovtta šuoŋa digitála hámis, mii lea Vulleš Heaikka luohti.

Dál beasat gullat dan luođi ođđa skearrus mii almmuhuvvo cuoŋománu álggus. 

-Almmuhus-