Diggegotti birra
Diggegottis leat riektebáikkit Deanus ja Čáhcesullos. Diggegottis lea 16,6 jahkebarggu juhkon duopmostuolujođiheaddji, duopmáriid, hálddahusjođiheaddji ja áššemeannudeddjiid gaskkas. Mii leat vuosttas instánssa duopmostuollu Bearalvágis, Báhcavuonas, Gáŋgaviikkas, Kárášjogas, Guovdageainnus, Davvisiiddas, Unjárggas, Matta Várjjagis, Deanus, Čáhcesullos ja Várggáhis. Mii meannudit siviila riidoáššiid, ráŋggáštusáššiid, vealgeortnetáššiid, árbeáššiid ja konkursaáššiid. Diggegottis lea erenoamáš ovddasvástádus áimmahuššat sámi dimenšuvnna riektevuogádagas.
Čáhcesullo riektebáiki lea ovttas lokaliserejuvvon Finnmárkku Eananjuohkinrivttiin.
Virggi birra
Mii ohcat čeahpes ja áŋgiris áššemeannudeaddji 100% bistevaš virgái mas virgáibidjan lea čakčamanu 1. beaivve 2023. Kontorsadji lea Čáhcesullo riektebáikkis. Dárbbu ektui sáhttet bargodoaimmat maid fátmmastit Deanu riektebáikki.
Virggi doaimmat leat juhkkojuvvon áššemeannudeapmái, digitála láhčimii ja muhtin veardde administratiiva bargguide.
Virggi doaimmat Barggut leat juhkkojuvvon áššemeannudeapmái, digitála láhčimii ja muhtin veardde administratiiva barggut. Virggi váldooassi lea áššemeannudeapmi ja virgái gullá máŋggabealat áššemeannudeapmi iešguđetge áššesurggiin, nugo:
• bagadallan ja gulahallan beliiguin, álbmogin ja ámmátlaš aktevrraiguin
• praktihkalaš ráhkkaneapmi, áššemeannudeapmi ja loahppabarggut, maiddái digitála láhčin
• doaibmat doarjjan duopmáriidda áššiid čađaheamis.
• barggut sáhttet nuppástuvvat bargosaji dárbuid ektui, ovdamearka dihtii IT- čehppodaga ektui.
Gelbbolašvuohta
• relevánta alit oahppu bachelordásis dahje sullasaš oahppu. Relevánta bargovásáhusat / reálagelbbolašvuohta sáhttá buhttet váilevaš formála gelbbolašvuođa gáibádusaid.
• vuđolaš dihtormáhttu, dás máhttu ja beroštupmi digitála bargovugiide ja neavvuide
• buorre čálalaš ja njálmmálaš máhttu
• vásáhus guorahallamis / áššemeannudeamis almmolaš ásahusain
Sávahahtti máhttu
• alla bargokapasitehta bargat iehčanassii ja struktuvrralaččat, ja máhttit ieš vuoruhit bargguid.
• váldit initiatiiva, nákcet čađahit ja effektiivvalaččat váikkuhit áššiid čađaheapmái
• bures ovttasbargat, gávdnat čovdosiid ja nákcet čađahit bargguid huššagis bargodiliin.
• leat buorre bálvalusdáhtu, ovttasbargu ja fleksibilitehta bargodoaimmaid ektui
• Gulahallat bures beliiguin, ámmátlaš aktevrraiguin, ja álbmogiin
• Leat movttegis ja positiiva oassin bargobirrasii
• máhttu sámegiela, kultuvrra ja servodaga birra
Persovnnalaš heivvolašvuohta deattohuvvo.
Mii fállat
• máŋggabealálaš ja iešheanalaš bargu lagas ovttasbargguin duopmáriiguin ja eará bargiiguin
• fágalaš ahtanuššan ja máŋggabealálaš doaimmaid máhtolaš organisašuvnnas
• duopmostuolut deattuhit girjái- ja máŋggabealatvuođa bargobirrasis, gos buot ohccit árvvoštallojit dásseárvosaččat. Mii eaktudit ahte leat fysalaččat sajis ja olámuttos ásahussii beaivválaččat.
• Njuovžilis bargoáigi ja geasseáigi miessemánu 15 b. gitta čakčamánu 15. b.
• virggi vuosttaškonsuleantan dahje ráđđeaddin bálkáceahkki 51 rájes oahpu ja bargovásáhusa vuođul. Bálkkás gessojuvvo 2% Stáda Penšunkássii.
• oiddolaš penšunortnet Stáhta penšunkássas
• Oahppoloana sihkkunortnet ja Finnmárkku vearrogeasus.
Gažaldagat virgái Ráhkaduvvo almmolaš ohccilisttu. Čujuhuvvo Almmolašvuođaláhka § 25, makkár vejolašvuohta leat beassat eret almmolaš ohccilisttus. Virggis lea 6 mánu geahččalanáigi. Lagabui dieđuid virggi ektui oaččut go válddát oktavuođa:
– Hálddahusjođiheaddjin Kari Mette P. Foslund tlf 934 33546
– Sunddiin Finn-Arne Schanche Selfors tlf 971 85225
Ohcamuša okta CV’ain, ja atteasttaiguin sáddet tiofpost@domstol.no ovdal njukčamánu 24. beaivve 2023.
Loga olles virgeteavstta dás https://www.avvir.no/assemeannudeaddji/ dahje domstol.no ja nav.no
