Guovttis galgaba geahččalan verrošemiin háhkat 2,8 miljovnna ruvnno alcceska, dál leaba áššáskuhtton ja ferteba diggái.
Romssa ja Finnmárkku stáhtaadvokáhtta lea áššáskuhttán guoktása Dávvi-Romssas roavvát verrošan dáhkádusain.
Soai galgaba iešdáhtus cahkkehan guoros viesu, man nubbi dán guoktásis eaiggádušai. Dasto gáibidii nubbi 2,8 miljovnna ruvnno buhtadussan iežas dáhkádusfitnodagas, Tide Forsikringas.
Dat geavai jagi 2018 álggus. Ášši galgá diggái guovvamánu loahpas.