-Almmuhus-
OĐĐASATÁššáskuhtton leat nuppi olbmo illastan

Áššáskuhtton leat nuppi olbmo illastan

-

-

Dievdu ferte diggái go galgá illastan ja cábmán nuppi olbmo.

Bearjadaga galgá Sis-Finnmárkku diggegoddi meannudit ášši mas muhtin badjelaš 20-jahkásaš dievdu lea áššáskuhtton leat cábmán nuppi olbmo. 

 

Dáhpáhus

Dáhpáhus galgá leat geavvan juovlamánus 2017:s.

Áššáškuhttinčilgehusas čuožžu ahte sudno oktasaš čujuhusas lei dievdu váldán nissona julggiide ja geassán su eret seaŋggas, feaskára láhtti mielde gos ledje lásemoalut.

Dievdu galgá dasto leat geassán nissona viesus olggos ja lássen uvssa. 

Viidáset čuožžu ahte veháš maŋŋelaš rabai dievdu fas uvssa ja luittii su sisa, ja časkkii nissona guktii čoavjái ja/dahje hárčái stákkuin, ja čievččastii su hárčái vel.

Áššis eaktuduvvo gáibádus ahte gillájeaddjái mákso buhtadus, čuožžu Sis-Finnmárkku diggegotti áššáskuhttinbáhpiriin.

Áššáskuhtton dievddu bealušteaddji Trond Bitis ii leat kommentára áššái dál.

-Almmuhus-