Muhtin Romsalaš lea áššáskuhtton go galgá leat mánáid illastan seksuálalaččat, oktiibuot 75 máná leat sorron áššái.
Politiijat lea njukčamánu rájes dutkan ášši mas 20-jahksáš dievdu várohuvvui illastan mánáid seksuálalaččat, čállá NRK Romsa.
Geavahan sosiála mediaid
Eanaš mánát leat Romssas eret, muhto maiddái mánát Nordlánddas, Hedemárkkus ja Vestfoldas ja Agderis.
Son galgá eanaš háviid geavahan Facebook-profiilla ja Skype boasttu dieđuid vuođul vai olaha oktavuođa mánáiguin, ja dájuhan son lea máhkaš 15-jahkásaš nieida.
Son galgá maid leat luoikkahan gova ovtta dovddus bloggaris, čállá NRK Romsa.
