Nuorra dievdu, badjelaš 30-jahkásaš, lea áššáskuhtton Romssa ja Finnmárkku stáhtaadvokáhtas iežas nieiddaža rohcošeami ovddas.
Nuorra dievdu, badjelaš 30-jahkásaš, lea áššáskuhtton Romssa ja Finnmárkku stáhtaadvokáhtas iežas nieiddaža rohcošeami ovddas.
Gillájeaddji lei vuollel logejahkásaš go rohcošeamit dáhpáhuvve, čállá Nordlys. Seksualálaš illasteamit, maid ovddas dievdu lea áššáskuhtton, leat seamma dásis go anašeapmi.
Áššáskuhttinmearrádusas čuožžu ahte rohcošeamit galget dáhpáhuvvan guovtti jagi badjel. Dievddu bealušteaddji advokáhtta lohká ahte su klieanta belohahkii lea dohkkehan siva áššáskuhttimis.
– Son lea belohahkii mieđihan sivalažžan, muhto ii buot daguid ovddas, dadjá bealušteaddji, ja lohká ahte son ii leat hupman dievdduin dan rájes go áššáskuhttin lea dahkkon. Nu go son lea ipmirdan, de áigu dievdu čilget dikkis.
Golmma beaivvi badjel galgá diggi meannudit ášši Sáččá diggegottis loahpageahčen skábmamánu.
(©NTB)
