-Almmuhus-
-Almmuhus-
-Almmuhus-
OĐĐASATÁššáskuhtton go galgá leat njávkkadan nieiddaža vuolledábiid

Áššáskuhtton go galgá leat njávkkadan nieiddaža vuolledábiid

-

-

Finnmárkulaš almmái, guhte lea badjel 60-jahkásaš, lea áššáskuhtton go galgá leat njávkkadan nieidamánáža.

Romssa ja Finnmárkku stáhtaadvokáhtta lea áššáskuhttán muhtin finnmárkulaš albmá, guhte lea badjel 60-jahkásaš, seksuála daguid ovddas vuollel 16-jahkásaš mánáid vuostá.

 

Čavgejeaddji dilis

Almmái lea áššáskuhtton 1902 ráŋggáštuslága 200. paragráfa, nuppi láđđasa mielde, mas lea sáhka dain geat dahket seksuála daguid olbmuid vuostá geat eai leat mielas dasa. Dán paragráfa mielde galgá erenoamáš deattu bidjat dasa man guhká dagut leat bistán ja lea go dat guhte daid lea dahkan, boastut geavahan fuolkevuođa, fuolladili ja nu ain.

– Dát lea dahkkon erenoamáš čavgejeaddji dilis go leat erenoamážit deattuhan man guhká dát lea bistán, go leat bidjan erenoamáš deattu dasa man guhká dát lea dáhpáhuvvan ja lea go fuolladili dahje lagaš luohttevašvuođa boastut geavahan, čállet áššáskuhttieiseválddit.

 

Njávkkadan

Almmái galgá muhtin báikkis, dahje báikkiin Finnmárkkus, máŋgii njávkkadan muhtin nieiddaža, gitta čakčamánu 2015 rádjái. 

Nieiddaš lei vuollel 10-jahkásaš dalle. Almmái galgá njávkkadan nieidda čiččiid, hárčči ja bađa sihke olggobeale ja siskkobeale sisbuvssaid.

– Ášši oaidnit dahkkon erenoamáš čavgejeaddji dilis, go leat erenoamáš deattu bidjan dasa ahte almmái lea doaibman nieiddaža áddján, čállet eiseválddit.

 

– Doarvái buorit duođaštusat

Politiijaválddálaš Karoline Gjønnes Johansen ovddasta áššáskuhtti eiseválddiid áššis.

– Mii leat áššáskuhttán albmá dieđuid vuođul maid leat háhkan go leat gažadan gillájeaddji. Mii oaivvildat mis leat doarvái buorit duođaštusat ahte vejolaš duopmu sáhttá šaddat boađusin. Muđuid eai leat mis eanet kommentárat áššáskuhttima birra, lohká son.

 

Advokáhtta Gunnar Lunde galgá ovddastit albmá dikkis, son ii hálit kommenteret áššái vuos.

 

Ášši meannuduvvo Sis-Finnmárkku diggegottis čakčamánu 27. beaivvi.

-Almmuhus-