Vuosttaš olmmoš lea áššáskuhtton dan nu gohčoduvvon Divttasvuona-áššis.
Áššáskuhtti lea 40-jahkásaš almmáiolmmoš, son navdo dájuhan nissonolbmuid ahte lea noaidi mas leat dálkkodanattáldagat.
Dainna vugiin lea son luohttámuša háhkan alcces nissonolbmuin geat háliidedje sus veahki.
Son lea de geavahan dan luohttámuša vai sáhtii seksuálalaččat illastit sin.
Guhtta nissonolbmo
Lea Nordlándda stáhtaadvokáhta guhte lea áššáskuhttán albmá go galgá leat seksuálalaččat illastan guhtta nissonolbmo.
Nissonolbmot leat dál gaskal 20 ja 80 jagi boarrásat.
Okta dain guhte illastuvvui lei áššáskuhttima dieđuid mielde 16 jahkásaš go dat dáhpáhuvai, muhtin eará lea fas psyhkalaččat doaibmahehttejuvvon, čállá VG .
