Badjelaš 40-jahkásaš Divttasvuona dievdu ii boahtán diggái šihtton áigái. Son lea geatnegahtton odne dikkis vástidit rohčosemiid ja veagalváldimiid ovddas, earret eará lea iežas lohkan noaidin ja atnán ávkin das go lea nissoniid lohpidan veahkehit.
Badjelaš 40-jahkásaš Divttasvuona dievdu ii boahtán diggái šihtton áigái. Son lea geatnegahtton odne dikkis vástidit rohčosemiid ja veagalváldimiid ovddas, earret eará lea iežas lohkan noaidin ja atnán ávkin das go lea nissoniid lohpidan veahkehit.
Odne lea vuosttaš diggi Divttasvuona rohcošanáššis.
Dikki ovddas lea birrasii 40-jahkásaš dievdu gii lea áššáskuhtton leat seksualalaččat illastan guhtta nissonolbmo.
Son galgá iežas leat gohčodan noaidin ja lohpidan veahkehit nissoniid, mas son lea váldán ávkki ja seksuálalaččat illastan sin.
Lea geatnegahtton boahtit
Áššáškuhtton dievdu ii boahtán diggái go diggi álggii odne. Rohčosanáššit leat nu duođalaččat ahte dievdu lea geatnegahtton boahtit.
Diggi lea maŋiduvvon dievddu dearvvašvuođadili geažil diibmu 12:00 radjái.
Su bealušteaddji Hilde Guldbakke lea bivdán uvssaid giddejuvvot dan botta go ášši váldo ovdan.
Dán birra čálii NRK Sápmi álggos.
