Københammana politiijat akšunerejedje dán vahkkoloahpa elektrihkalaš čiekčansihkkela geavaheddjiid vuostá. Dánmárkkus gusket promillanjuolggadusat maiddái el-vuojániidda.
Oktiibuot ledje 28 váldon, 24 ledje alkoholpromillain ja 4 ledje gárrenmirkkos váikkuhuvvon.
Politiijakomissára Peter Veje dieđiha Dánska TV2:ii ahte leamaš lassáneapmi loguin gos čiekčansihkkel lea čadnon láhkarihkkumiidda. Elsihkkel rehkenastojuvvo mohtorfievrun Dánmárkkus.
Norggas ii promillarádji
Dán vahkkoloahpa áššáiduhttimat leat dássážii vuosttaš čohkkejuvvon logut, main sáhttá govvadusa oažžut das ahte makkár viiddodagas dát áššit leat.
Norggas ii leat promillarádji el-čiekčansihkkel geavaheamis.
Lea juohkehačča duohken árvvoštallat dovdet go oadjebassan vuodjit elsihkkeliin.
Nu guhká go vuodjin lea dohkálaš, de lea prinsihpa mielde lobálaš.
(©NTB)
