-Almmuhus-
-Almmuhus-
-Almmuhus-
OĐĐASATÁššáiduhtton go galgá leat rohcošan 400 bártnážiin neahtas

Áššáiduhtton go galgá leat rohcošan 400 bártnážiin neahtas

-

-

Dievdu, gii lea badjelaš 20 jahkásaš, lea golggotmánu rájes diibmá leamaš háldogiddagasas. Dál lea áššáiduhtton go galgá leat 400 bártnážiin seksuálalaččat rohcošan.

Rohcošeamit galget dáhpáhuvvan interneahta bokte, ja galget dáhpáhuvvan guokte ja bealle jagi badjel.

Bártnážat ledje gaskal 10 ja 18 jagi boarrásat.

– Dan rájes go áššáiduhtton dievdu vuosttaš geardde váldui gitta geassemánu 2016:s das mii ii orron nu duođalaš ášši, de lea ášši sturron issorasat, namalassii 400 gillájeddjiin. Gillájeaddjit leat bártnážat miehtá riikii gullevaččat, ja muhtumat vel Ruoŧas ja Dánmárkkus maid eret, čállá Nuorta politiijaguovlu preassadieđáhusas.

-Almmuhus-