Politiijat áigot áššáiduhttit ovtta nuora gii galgá leat cahkkehan mánáidsuodjalusinstitušuvnna Álttás. Son lea maid áššáiduhtton go galgá guktii álggahan buollima Moldes dán jagi.
Politiijat áigot áššáiduhttit ovtta nuora gii galgá leat cahkkehan mánáidsuodjalusinstitušuvnna Álttás. Son lea maid áššáiduhtton go galgá guktii álggahan buollima Moldes dán jagi.
– Mii áigut áššáiduhttit dán olbmo ihttin. Mii sihtat su háldogiddagassii go sáhttá eanet háviid dahkat seamma rihkkosa, muitala Finnmárkku politiijaguovllu politiijaadvokáhtta Ronny Jørgensen NRK:i.
Golbma viesu cahkkehan
Gaskavahkku cahkkehuvvui orrunvisti Álttás ja bulii oalát. Jørgensen ii áiggo muitalit áššáiduhttima birra, ii ge muital leat go dutkan dan nuora.
Guovvamánus ja cuoŋománus bulle guokte orrunvistti Moldes, ja nuorra olmmoš lea áššáiduhtton dáid buollimiid ovddas maid.
Psykiátralaš fágačeahpit leat maid dárkkistan su vai sáhttet diehtit lea go son ráŋggáštusrievttálaš jierbmái, čállá Romsdal Budstikke. (©NTB)
