-Almmuhus-
-Almmuhus-
OĐĐASATÁsahit deaivvadan­báikki Káráš­joga gründeriidda

Ásahit deaivvadan­báikki Káráš­joga gründeriidda

-

-

Sápmi Ealáhusgárdi ásaha nuppi EaláhusHUB Sis-Finnmárkui.

Kárášjoga sportagávppi báldii galgá ásahuvvot ođđa doaibma. Sápmi Ealáhusgárdi rahpá odne eahkes EaláhusHUB, dahje GründerHUB, nu go maid gohčoduvvo.

– Dat lea min vuohki heivehit eambbo gründeriidda ja oččodit eambbo ealáhusaktivitehta Kárášjohkii. Sávvamis geasuha dat nuorra ja oahppan olbmuid, vai bohtet ruovttoluotta Finnmárkui maŋŋel go leat oahpu gazzan, dadjá Solveig Ballo, Sápmi Ealáhusgárddi beaivválaš jođiheaddji.

Loga maid:
Ásahit fitnodat álggaheddjiid guovddáža 

Mii lea EaláhusHUB?

Sápmi Ealáhusgárdi lea ovdalaččas ásahan EaláhusHUB-báikki Deanu gildii. Sis lea ulbmil ásahit EaláhusHUB-báikkiid viđa gildii Sis-Finnmárkkus, Detnui, Unjárgii, Kárášjohkii, Porsáŋgui ja Guovdageidnui.

– EaláhusHUB lea bargoovttastupmi sidjiide geat háliidit oanehis áigái kantuvrasaji min luhtte. Doppe ožžot kantuvrasaji, heivehuvvon lanja, leat čoahkkinlanjat ja maiddái fállat fitnodatrávvenbálvalusa. Doppe sáhttá čohkkát ollesáiggi, bealleáiggi dahje moadde beaivvi vahkkus, mii heivehat lokála. Min mihttu lea buot viđa suohkanii ásahit EaláhusHUB vai gründerat sáhttet johtit ruoktot ovdan. Dainna lágiin deaivvada earáiguin ja nanne fitnodaga fierpmádaga, čilge Ballo.

ILLUDA:  Sápmi Ealáhusgárddi beaivválaš jođiheaddjis, Solveig Ballos, leat stuorra vuordámušat Kárášjoga EaláhusHUB-báikái. Govva: Marie Louise Somby/Árvu.
ILLUDA:  Sápmi Ealáhusgárddi beaivválaš jođiheaddjis, Solveig Ballos, leat stuorra vuordámušat Kárášjoga EaláhusHUB-báikái. Govva: Marie Louise Somby/Árvu.

Rahpan Kárášjogas

Odne eahkes, miessemánu 31. beaivvi, lea rahpan ovddeš DNB-guovddážis. Dohko boahtá Kárášjoga sátnejođiheaddji, Svein Atle Somby, ja Seastinbáŋku1 Davvi-Norggas boahtá Ulf Tore Isaksen logaldallat. Sápmi Ealáhusgárdi lea maid bovden sullii 15 fitnodaga Kárášjogas searvat ođđa kantuvrasajiid rahpamii. Doppe guossohit biđđosa, gáfe ja gáhkuid. 

– Mii sávvat dan šaddat Kárášjoga ealáhuseallima guovddášsadjin, loahpaha Solveig Ballo.

-Almmuhus-