Kárášjoga gieldda gearggusvuođajoavku lea sihkkarastán ahte dearvvašvuođaossodagas lea čáhci, seammás leat ásahan maid čáhcestašuvnna «Skytterhusii»
Kárášjoga gieldda gearggusvuođajoavku lea sihkkarastán ahte dearvvašvuođaossodagas lea čáhci, seammás leat ásahan maid čáhcestašuvnna «Skytterhusii»
OĐASTUVVON:
Dál lea vejolaš viežžat čázi «Skytterhusas», mii lea moadde kilomehtera eret márkanguovddážis Leavnnja guvlui.
– Mii leat ásaheamen čáhcestašuvnna gos lea vejolaš viežžat čázi dassái go čáhci golgagoahtá fas dáluin, muitala Heidi M. Boine guhte lea konstituerejuvvon Dearvvašvuohta ja fuollahoavdan Kárášjoga gielddas ja gullá maid gieldda gearggusvuođajovkui.
Dearvvašvuođaossodagain lea čáhci
– Mun lean maid dál iđitdiimmuin sihkkarastán ahte min dearvvašvuođaossodagain lea čáhci. Dearvvašvuođaguovddážis gal golgá čáhci, muhto oalle njozet. Nu ahte sii leat ožžon dieđu deavdit lihtiid sihkarvuođa dihte. Eará ossodagain lea seamma ládje, čilge Boine.
Son muitala iežaset lágidit čázi dearvvašvuođaossodagaide jus čáhci oalát jávká.
Čáhcestašuvnna birra juohká Boine dieđuid Facebook bokte dađistaga.
– Mii leat dál iskamin gosa heive ráhkadit čáhcestašuvnna. Dákkár adno go eai buot ássit dieđe gos Kárášjogas gávdná ádjagiid, čilge son.
