Sámi árvvut searvi Eanodagas leat ásahan bálkkašumi man geigejit árbeguddiide Sámis.
Sámi árvvut searvi Eanodagas leat ásahan bálkkašumi man geigejit árbeguddiide Sámis.
Bálkkašupmi, man Sámi Árvvut searvi lea vuođđudan, galgá geigejuvvot priváhta olbmui dahje olbmuide geat leat sápmelaččat sámiid árbevirolaš árvvuid mielde, čállá Sámi Árvvut preassadieđáhusas.
Bálkkašupmi sáhttá mieđihuvvot sámiid árbevirolaš orrunguovllus (Norggas, Suomas, Ruoŧas dahje Ruoššas).
Čakčii mearriduvvo
Son geasa geigejuvvo bálkkašupmi oažžu 1000 euro ja gudnegirjji, ja lea Sámi árvvut rs stivra mii juohká bálkkašumi. Bálkkašupmi mearriduvvo ramádatvahkuid áigge čakčat, Leammis.
– Bálkkašupmi mieđihuvvo ovdasajis olbmui dehe olbmuide, gii doarju/geat doarjuba/geat dorjot árbevirolaš dieđu seailuma geavadis dehe gii lea/geat leaba/geat leat sápmelaččaid árvvus atnin árbevirolaš dieđu hálddašeaddjit ja aktiivvat iežaset sámi servošis, dieđiha Sámi árvvut.
