Sámi Duodji juolludii Asa Kitok stipeanddat ja 50 000 guovtti duojáriidda Johkamohki márkana oktavuođas. Dan jagi manai stipeandda duojárii ja hápmejeađjái Karin Vasarii ja garraduojárii Ingermar Israelssonii.
Duojár ja bivttashábmejeaddjái Karin Vasara dadjá juolludeami oktavuođas
– Ja dat lea nu earenomáš oaččun dan bálkkašumi ja dat beaivi lea nu erenomáš munnje ja dal lea justa 30 jagi áigi go čájehin mu hábmejuvvon biktasiid Johkamohki márkanis vuosttáš gearddi. Mun lean eret Gárasavvonis ja mun lean mánnán álgán goarrut. Mun goarrun ovttas mu eadnin mánnán jua. Mun ožžon olu máhtu sus. Dat lei vel erenomáš oaččun dan bálkkašumi Sámi álbmot beaivvi.
Garra duojár
Deartnalaš Ingemar Israelsson duddjo garra dujiid, son dajai sártnis bálkkašumi juolludeami oktavuođas maid
– Mun lean eret Deartnas ja doppe mis lea dološ duodjeárbevierru maid mun lean beassan viidáseappot addit boahttevaš buolvvaide ja dasa lean hui rámis. Dat stipeandda lea hui earenomáš ja ahte mun oaččun dan ovttas Karinin dagaha dan vel stuorit.
Aasa Kitok stipeandda lea juolluduvvon 2005 rájes duojáriidda geat duddjojit Ruoŧa bealde Sámi. Boahtte jagi galgaba galgá Asa Kitok stipeanddat doallut duodječájáhusa Sámi duojis Johkamohki márkana oktavuođas.
