-Almmuhus-
OĐĐASATÁrvvoš­tallet ložžet doaibma­bijuid

Árvvoš­tallet ložžet doaibma­bijuid

-

-

Finnmárkku buohcceviessu dieđiha buriid koronaságaid vuossárgga.

Finnmárkku buohcceviessu čállá Twittera bokte ahte justa dál lea Hámmárfeastta buohcceviesus stáhtus ná: 

– Okta pasieanta lea sisačálihuvvon covid-19 geažil.

– Ii ovttage bargái leat njommon covid-19.

– Ii oktage bargi leat erremis Covid-19 geažil.

Buorit logut

Finnmárkku buohcceviesu kommunikašuvdnajođiheaddji Erik Palm muitala Twitteris ahte čuožžu nulla juohke čuoggá duohken, muhto riekta lea ahte okta olmmoš lea sisačálihuvvon. Son dasto muitala ahte maŋimuš áigge buorit koronalogut leat dagahan ahte odne maŋŋelgaskabeaivvi digaštallat geainnu dás viidásat. 

– Odne digaštallet ja árvvoštallet dáhpáhusgova ja mo koronadilli lea ovdánan. Dan oktavuođas geahčadišgoahtit iešguđet gearggusvuođadásiid, lea go dárbu šat buot iešguđet doaibmabijuide ja gos eai dárbbašuvvo dat, muhto buohcceviesus ain čuovvut garra koronanjuolggadusaid, dadjá Palm Ávvirii. 

Son lohká buriid bohtosiid boahtit doaibmabijuin mat leat dahkkon ovttas gielddain ja Álbmotdearvvašvuođainstituhtain (FHI).  Finnmárkku buohcceviessu ja Sámi klinihkka leat dál ruoná dásis. 

-Almmuhus-