Dán bearjadaga beassat gullat oažžu go sámi joavku Arvvas Folkelarm-bálkkašumi.
Dán bearjadaga beassat gullat oažžu go sámi joavku Arvvas Folkelarm-bálkkašumi.
Musihkkabiras čalmmustahttá ja árvvuda jahkásaččat álbmotmusihka suorggi musihkkariid ja artisttaid. 5o joavkku dahje artistta ledje dán jagi sádden CD-skearruid maid leat almmuhan áigodagas 01.08.14-31.07.15 Folkelarm-bálkkašumi fágalávdegoddái. Fágalávdegoddi lea árvvoštallan ja nammadan 16 artista dahje joavkku Folkelarm-bálkkašumiide. Daid searvvis lea maid sámi joavku Arvvas, joavkku vuosttaš skearruin «Remembrance» Joavkkus leaba mielde Sara Marielle Gaup Beaska ja Steinar Raknes.
Čalmmustahttit CD-skearru
Arvvas juoigi ja lávlu, Sara Marielle Gaup Beaska mielas lea somá beasat mielde.
– Somá dieđusge leat mielde. Muhto, vel somát lea čalmmustahttit min CD-skearru. Dat maid čájeha ahte doppe leat guldalan min musihka, lohká dovddus juoigi.
Arvvas joavkku almmuhii vuosttáš CD-skearru «Remembrance» mannan geasi Riddu-Riđđu festiválas.
