Go Gaskaijarocka álggii Lavttenjárggas Leavnnjas ikte, de ledje stuora násttit lávddi alde, earret eará 1970-logu oiddohat Nazareth ja beakkán Aqua.
Vuosttažin lei Troandin-joavku Soulsisters, gos earret eará dovddus nissonlávlu, Bente Småvik, lea mielde.
Njuoska rockárat
Nubbin ledje boaranat Nazareth joavkkus. Dalle njoarai arvi vel. Liikká ii bissehan dat rockáriid boahtimis Lavttenjárgii lávddi ovdii.
Nazarethas ii leat šat boares lávlu, Dan McCafferty, gii lea lávlon joavkkus 1968 rájes gitta 2013 rádjái. Son lea dál juo 71 jagi boaris.
Go su jietna ii šat gullon, de jávkkai veahá Nazaretha magihkalaš dovdu.
McCaffertys oainnat lea jietna dego livččii ruosttaid lávlume čoddagis olggos.
Gákti badjelis
Eanemus geahččit ledje go goalmmát joavku čuojahii. Dat lei beakkán norgga joavku Aqua.
Dan oktavuođas lei njunuš, Lene Nystrøm, nahkehan gávtti badjelii mainna šleŋggodii.
Eahkeda loahpahedje 2Unlimited ja SlinCraze.
