– Mis lea buohkain ovddasvástádus várjalit arvevuvddiid, ja ávžžuhan olbmuid leat ruhtačoaggin boahtte sotnabeaivvi, lohká festiválajođiheaddji Karoline Trollvik.
– Mis lea buohkain ovddasvástádus várjalit arvevuvddiid, ja ávžžuhan olbmuid leat ruhtačoaggin boahtte sotnabeaivvi, lohká festiválajođiheaddji Karoline Trollvik.
Riddu Riđđu lea fitnan DRKongos giđđat, ja mátki Kongo arvevuovddis čuozai festiválajođiheaddjái Karoline Trollvikii.
– Riddu Riđđu lea mearragáttis gos sáhttet garra riđut leat, ja mii dovdat go dálkkádat rievdá ja dávjjit bohtet garra dálkkit. Álgoálbmoga dilli DRKongos ja Brasilas, heaŋgá čoahkis min diliin. Go gáhttet ja várjalit daid maŋemus arvevuvddiid, de mii suddjet iežamet, muitala Trollvik.
Dehálaš ovttasbargat
Riddu Riđđu lea maŋemus jagiid čájehan beroštumi riikkaidgaskasaš álgoálbmot oktiigullevašvuođa. Danne lea festivála álggahan ovttasbarggu Arvevuovdefoanddain, erenomáš sierra prošeavttain DRKongos dán jagi.
– Mun oainnán man dehálaš lea váldit mielde eamiálbmotrivttiid go galgá várjalit arvevuovddi ja dálkkádaga. Álttá stuimmiid áiggi ledje sámit ja birasgáhttejeaddjit ovttas doarrume sámi rivttiid ovddas ja várjaleame Máze. Dál leat mii ovttas riikkaidgaskasaš birasgáhttejeddjiiguin ovttasbargame suddjet arvevuvddiid ja álgoálbmogiid rivttiid, lohká Trollvik.
