Mánnodaga eahkedis dieđihuvvo fiskes várohusa Oarje-Finnmárkkus go garra oavttit bohtet.
Dálkedieđiheaddjit dieđihit sin neahttasiiddus ahte mánnodaga eahkedis arvigoahtá garrasit Oarje-Finnmárkkus, ja leat válljen dieđihit fiskes ivnnat várohusa.
– Mánnodaga sáhttá muhtin báikkiin arvit hui ollu, nu olu go 30-40 millimehtera 12 diimmus, dieđihuvvo yr.no neahttasiiddus.
Čáhci sáhttá dievvat muhtin báikkiin, ja juohkehaš ferte árvvoštallat makkár doaimmaid ferte bidjat johtui dan arvvi dihte.
Arvi dieđihuvvo bistit olles ija, gitta disdatiđidii.