-Almmuhus-
-Almmuhus-
SMÁVVAOĐĐASATÁrva­luvvon vuoitit bálkka­šumi

Árva­luvvon vuoitit bálkka­šumi

-

-

Báhcavuona ja Málatvuona historjásearvi lea evttohuvvon vuoitit kulturmuitobálkkašumi.

Kulturmuitobeaivvit lágiduvvojit dán jagi čakčamánu 3.–11. b, ja das leat badjel čuođi iešguđet lágideami miehtá Norgga. 

Dán jagi ávvuduvvojit dat beaivvit oassin Eaktodáhtolašvuođa jagiin 2022. «Drivkraft» fáttá bokte áigu festivála loktet ja ávvudit báikkálaš áŋgiruššama ja dan barggu maid eaktodáhtolaš bargit barget doalahit kulturárbbi ealasin.  Nu čállet sii preassadieđáhusas. 

Álbmogii gaskkustit

Kulturmuitobeivviid lágidit eaktodáhtolaš searvvit, museat, suohkanat, kulturmuittuid priváhta eaiggádat ja earát geat háliidit ovdanbuktit kulturárbbi. Kultursuodjelihttu, mii koordinere lágidemiid, juohká juohke jagi bálkkašumi lágideaddjái mii buoremusat čájeha ja buktá álbmogii kulturárbbi, ja nu maid lasiha ipmárdusa ja áŋgiruššama kulturárbái ja historjái. 

Vuoitu lea 50 000 ruvnno, ja vuoiti almmuhit kulturmuitobeaivvi vahkku. 

– Báhccavuona ja Málatvuomi historjásearvi lea ovttas Sámedikkiin, Gaska- Romssa museiin ja earáiguin plánen iešguđetlágán gelddolaš lágidemiid, nu go buoridit visttiid mat leat suodjaluvvon. Mihttu livččii čájehit movt sáhttá ođastit nu ahte ii billis suodjalanárvvu. Eará lágidemiin fas áigot loktet árvvu ja vásáhusa dain kulturmuittuin maid eanas olbmot eai ane árvvus, nu go návsttuid, čállá Kultursuodjelihttu preassadieđáhusas. 

Vihtta árvalusa

Dat eará njeallje árvalusa dán bálkkašupmái leat:

Oslo maritime kulturhavn  «Akershusstevnet» lágidemiin

Voss kunst og kultur lágidemiin «Me takkar varmt for da dei gamle gav»

Nes girjerájus, Nes suohkan ja Raumnes bibliotek lágidemiin «Poesi og poteter»

Nærøysund suohkan ja eará lágideaddjit kulturmuitobeivviid ovddas «Kulturminnedagene i Nærøysund».

-Almmuhus-