-Almmuhus-
-Almmuhus-
-Almmuhus-
OĐĐASATÁrvalit rievdadit penšuvdnalága

Árvalit rievdadit penšuvdnalága

-

-

Olbmot galggašedje beassat ovtta ja seamma kontoi seastit penšuvnna, ja njuolggadus, mii gáibida ahte bargi galgá bargat 12 mánu ovdal go oažžu penšuvdnamávssu, galggašii sihkastuvvot. Láhkaárvalus lea sáddejuvvon gulaskuddamii.

Ruhtadandepartemeanta árvala rievdadit penšuvdnalága nu ahte bargit besset buot penšuvdnaruđaid čohkket ovtta ja seamma kontoi.

Ođđa penšuvdnakonto galggašii bargi beassat ásahit muhtin penšuvdnalágideaddjái dahje dat galggašii oassin bargoaddi penšuvdnaortnegis.

 

Bargi oččošii de vejolašvuođa sirdit buot sestojuvvon penšuvdnaruđaid seamma kontoi, muhto fertešii gal ieš máksit hálddašeami ovddas.

Departemeanta árvala maiddái sihkastit njuolggadusa mii gáibida ahte bargi galgá bargat 12 mánu ovdal go oažžu penšuvdnamávssu.

Láhkaárvalus lea sáddejuvvon gulaskuddamii, ja áigemearri buktit cealkámuša lea guovvamánu 21. beaivvi 2018.

-Almmuhus-