Boahtte vahkkus doallá Norgga Sámiid Riikkasearvi riikkačoahkkima, doppe válljejit presideantaevttohasa.
Boahtte vahkkus doallá Norgga Sámiid Riikkasearvi riikkačoahkkima, doppe válljejit presideantaevttohasa.
Norgga Sámiid Riikkasearvi (NSR) doallá NSR 44. riikkačoahkkima Álttás, golggotmánu 7-9. beivviid 2016.
Evttohan Aili Keskitalo
– Riikkačoahkkimis mii mearridat NSRa presideantaevttohusa, riikkastivrra lea árvalan Aili Keskitalo, čállá NSR jođiheaddji Beaska Niillas preassadieđáhusas.
Loktejit illástemiid čuovgga ovdii
Riikkačoahkkin lágiduvvo Thon hoteallas, ja álgá dii. 1500 bearjadaga golggotmánu 7. beaivvi ja bistá sotnabeaivá dii. 13.00 rádjai.
Prográmma ii leat vel garvvis.
– Mii hállat mo galgat lasihit sámi ovttasbarggu beroškeahttá riikkarájáin ja mii loktet illástemiid ja veahkaváldinváttisvuođa čuovgga ovdii; NSRas ja sámi servodagas galgá dorvvolaš eallit, čállá Beaska Niillas muđuid riikačoahkkima birra.
Riikkačoahkkima dieđut ja áššebáhpárat almmuhuvvojit dađisdaga NSR neahttasiiddus.
