-Almmuhus-
-Almmuhus-
OIDNON JA GULLONÁrvala mo easta­dit lossa­miela

Árvala mo easta­dit lossa­miela

-

-

Tekna studeanttaid jođiheaddji, Marcus Steen Nitschke, oaivvilda ahte eambbo beroštupmi ja eaktodáhtolaš barggut leat čoavddusin mo eastadit ahte studeanttat báhcet okto lossamielain.

Tekna studeanttat leat guhká váruhan mo eará studeanttaid psyhkalaš dearvvašvuohta čuohcá studeantta árgabeaivái, erenomážit leat jurdagis sii geat dovdet iežaset okto.

Dál čájeha Shot-dutkan, mii almmuhuvvui čakčamánu 8. beaivvi, ahte 41 proseantta studeanttain eai leat dahje leat unnán skihpárat. 22 proseantta studeanttain ges muitalit ahte sii rahčet lossamielain, ja 35 proseantta muitalit ahte sis leat garra psyhkalaš váttut.

– Mii jáhkkit ahte čoavddus sáhttá leat áŋgiruššat studeanttaid studeantadoaimmaide. Studeantadoaimmat leat hedjonan ja unnon pandemiija geažil, ja oahppobáikkit berrejit láhčit buoret dili studeanttaide vai eambbosat áŋgiruššet doaimmaide, muitala jođiheaddji preassadieđáhusas.

Áirrasdoaimmat

Steen Nitschke maid muitala ahte sii oidnet ahte muhtin oahppit váldet badjelassii hui olu áirrasdoaimmaid, ja sis gártet olu rollat de. Son oaivvilda ahte galggašii baicce juohkit áirrasdoaimmaid eambbo studeanttaid gaskkas.

Áirrasdoaimmat studeantaáigodagas rahpá olu vejolašvuođaid studeanttaide, ja studeanta beassá oassin stuorát sosiála fierpmádagas.

Tekna jođiheaddji muitala maiddái ahte sii leat dáhtton eambbo ruhtadeami, vai juohke oahppobáikái lea vejolaš ožžodit eambbo psykologaid ja ságastallanterapevttaid.

– Dakkár doaibmabijuin gokčá studeanttaid dárbbuid, ja lea vuosttašceahkkefálaldat sidjiide geat dárbbašit dan, loahpaha Marcus Steen Nitschke preassadieđáhusas.

-Almmuhus-