Maŋŋebárgga Eurovision semifinálaš, válljii armenalaš sáttagoddi fáiput kontroversiealla Nagorno-Karabakh-leavggain. Dál leat sii ožžon várrehusa. Sámeleavggain ii ge livčče leamaš lohpi fáiput, muhto dán njuolggadusa leat ložžen.
Maŋŋebárgga Eurovision semifinálaš, válljii armenalaš sáttagoddi fáiput kontroversiealla Nagorno-Karabakh-leavggain. Dál leat sii ožžon várrehusa. Sámeleavggain ii ge livčče leamaš lohpi fáiput, muhto dán njuolggadusa leat ložžen.
Eurohpálaš sáddehatuniovdna (EBU) dat čálalaččat moaitá Armenia go leat rihkkon gilvvu leavganjuolggadusaid, dieđiha NRK.
«EBU ja referánsajoavku ii dohkket dán leavgageavaheami semifinálas. Dát dahkku láivuda Eurovision Song Contest mearkanama» čállet earret eará várohusas.
Armenia sáhttá diskvalifiserejuvvot dán jagi gilvvus jus riikka rihkku njuolggadusaid vel oktii.
– Mii oaivvildat dán leat duođalaš njuolggadusrihkkumin, go eat galgga sáddehit politihkalaš oaiviliid Eurovisionas, čállo preassadieđáhusas.
Riidovuđot leavga
Nagorno-Karabakh lea riidobáiki Kaukasusas, mii ovdal lei Aserbajdsjan autonoma, muhto gos leat 76 proseantta armenalaččat. Dán guovllu riidu lea dagahan ahte Armenia ja Aserbajdsjana gaskkas ii leat nu buorre oktavuohta.
Maŋŋil vuosttaš semifinála, mii lei maŋŋebárgga, de beasai Armenia ja artista Iveta Mukuchyan viidásat finálii, kránnjáriikka Aserbajdsjan ges gahčai eret gilvvus.
Norgga fánssat leat ožžon lobi fáiput sámeleavggain nuppi semifinálas, mii lea odne, gos sámenieida Agnete Johnsen lávlu «Icebreaker». EBU lei álggos biehttalan suovvat leavgga geavahit, muhto lea maŋŋil rievdadan oainnus.
©NTB
