Árktalaš luonddugeavahanguovddáš galgá veahkkin dahkat eanadoalu geasuheaddjin.
Guovddáš lea Deanu joatkkaskuvlla, Sáččá joatkkaskuvlla, Suorttá joatkkaskuvlla ja Mussere joatkkaskuvlla ovttasbargu. Prošeaktaovddasvástádus lea Sáččá joatkkaskuvllas.
– Mii leat hui ilus go guovddáža sáhttá ollašuhttit doarjaga duogážiin. Dál mii sáhttit joatkit ođđa prošeavttaid bargguiguin guovddážis. Guovddáš álggaha čakčat fágaskuvlafálaldagain Roavvafuođarvuđot šibitbuvttadeapmi duottarbuvttadeapmái. Lagabui 40 studeantta ožžot oahpposaji, ja oahppu čađahuvvo oktanaga dan njealji skuvlabáikkis Davvi-Norggas. Maiddái ekonomiijafálaldat eanadolliide lea juoga mainna guovddáš bargá oažžut johtui čakčii, muitala Kristin Soini, Árktalaš Luondduguovddážis preassadieđáhusas.
Romssa fylkkasuohkan ealáhus-, dálkkádat- ja biraslávdegoddi lea juolludan 4,1 miljovnna árktalaš luonddudoalloguovddáža ásaheapmái.
– Dahkat eanandoalu geasuheaddjin
Árktalaš luonddugeavahanguovddáš galgá leat mielde dahkamin eanadoalu geasuheaddjin sihke ásahuvvon ja earenoamážit nuorra, ođđa oasálaččaide.
– Guovddáš galgá doaibmat mohtorin árktalaš luonddugeavaheami gelbbolašvuođa ovddideapmái boahtteáiggis. Guovddážis galgá maiddái leat ovdánahttinarena árktalaš luonddugeavaheami dutkamii ja ovddideapmái ovttas eará gelbbolašvuođabirrasiiguin, leat dehálaš veahkkin gelbbolašvuođa loktemis luonddugeavaheamis. Guovddáš galgá maiddái leat luonddudoalu energiija ja birrasa gelbbolašvuođaguovddáš, čállá Soini preassadieđáhusas.
