Árjja njunuš Hartvik Hansen lea duđavaš, go čájehuvvo ahte ožžot guokte áirasa Deanu gielddastivrii.
Árjja njunuš Hartvik Hansen lea duđavaš, go čájehuvvo ahte ožžot guokte áirasa Deanu gielddastivrii.
– Lean giitevaš sidjiide geat leat dorjon min. Lean duođaid duđavaš vaikko ledjen doivon oažžut golbma áirasa gielddastivrii, lohká Hansen.
Rámida
Son rámida Bargiidbellodaga go lea dahkan buori válgga, ja lohká Árjja ceavzán bures vaikko lea ođđa listu ja amas máŋgasii Deanu gielddaválgga oktavuođas.
– Lea álo váttis ođđa bellodaga nama galgat ovddidit, ii olmmoš dieđe mo jienasteaddjit váldet vuostá. Vaikko mis ledje máŋga oahpes nama listtus, de obbalaččat ferten duđavaš bohtosiin, lohká Harvik Hansen.
