1. juovlabeaivvi bođii diehtu ahte Ari Behn lea vádjolan. Ollu olbmot leat šloahta olggobeallái guođđán liđiid. Sii cahkkehit gintalit ja čállet muitosániid.
Olbmot háliidedje gudnejahttit ja sáddet maŋemus dearvuođaid girječállái ja dáiddárii gii lei 14 jagi náittosdilis Norgga prinseassan Märtha Louisein. Sudnos leat golbma máná, Maud Angelica (16), Leah Isadora (14) ja Emma Tallulah (11).
Ari Behna bearaš giittii maid buot beroštumi ovddas:
– Bearáš leat sihtan mu cealkit ja giitit buot beroštumi ovddas dan lossa áiggis maid sii dal vásihit. Dat ligge ahte Ari lea mearkkašan nu olu ollusiidda dadjá Behna manager Geir Håkonsrud NTB:i.
Ari Behn sorbmii iežas vuosttaš juovlabeaivvi. Son šattai 47 jahkásaš.
Sámediggi cealká dearvuođaid
Maiddái Sámedikkis celket dearvuođaid Gonagasvissui. Sámediggepresideanta Aili Keskitalo ja dievasčoahkkinjođiheaddji Tom Sottinen cealkiba sámi álbmoga bealis liekkus dearvvuođaid Gonagasvissui ja Ari Behn lagamuččaide go dál lea eretvádjolan.
– Eallima mohkiid čađa dárbbašit mii buohkat doarjaga. Mii sávvat fámuid buohkaide geat vásihit lossa dili ja ávžžuhit buohkaid čájehit beroštumi ja liekkusvuođa, čállet sii.
