Sotnabeaivve čuovganeapmái bođii diehtu lágideaddjin ahte Arctic Winter Games gilvvut eai lágiduvvo dego plánejuvvon, Yukonis Kanadas, korona dávdda dihte.
Árktalaš dálveriemut galge lágiduvvot vahku geažis, Yukonis Kanadas ja dohko ledje 2000 olbmo vuolgime gilvalit 50 iešguđetlágan gilvvuide dego spábbačiekčan ja čuoigan. Maid sámi nuorat ledje vuolgime gilvvuide.
Preassadieđáhusas dieđihit organisašuvdna ja lágideaddjit ahte olusat ballet ja dat lea vuohki mot eastadit korona dávdda leabbámis maid Yukonii.
– Na min suddjejit gilvaleaddjit ja buot daid árktalaš olbmuid dadjá Yukona hoavdadoavttir Cathrine Elliot.
Eará stuorit doalut nai heaittihuvvojit korona dávdda dihte sihke Norggas ja olgoriikkas.
