-Almmuhus-
-Almmuhus-
OĐĐASAT Arctic Lavvo bajida oasusopmodaga

Arctic Lavvo bajida oasusopmodaga

-

-

Guovdageainnu bearášfitnodat Arctic Lavvo AS lasiha fitnodaga oasusopmodaga 30 000 ruvnnos gitta 2,5 miljovnna ruvdnui.

Dán dieđiha Arctic Lavvo fitnodat preassadieđáhusas gaskavahkku. Fitnodat lea ohcan ovttasbarggu Indre Finnmark Investeringsselskap AS (IFI) ja investerenfitnodagain lasiha oasusopmodaga 2,5 miljovnna ruvdnui.

 

Lassánan jagis

Bearáš bidjá 1,5 miljovnna ja IFI bidjá ovtta miljovnna oasusopmodahkii.
– Mis lea jáhkku buktagii ja vuođđudeddjiide, ja bidjat 1 miljovnna mainna veahkkin nannet ja addit fitnodahkii saji stuorrut, muitala Sápmi Ealáhusgárddi beaivválaš jođiheaddji Marianne Balto preassadieđáhusas.
– Fitnodaga bargiidlohku lea lassánan ovtta bargis ovcci bargiin beannot jagis, ja lea dehálaš bargosadji Guovdageainnus, ja dat lea hui mávssolaš midjiide Sápmi Ealáhusgárddis, muitala Balto.

 

Dikšut márkana

– Márkan maŋŋel Venorgávppi, lei jo sajis. Dál ferte dan márkana dikšut ja gávdnat ođđa márkaniid. Ja buori ruhtadilli addá midjiide bargoráfi bargat ovdánahttimiin seammás go mii buvttadit gálvvuid, muitala Arctic Lavvo AS beaivválaš jođiheaddji Anders Bongo-Wiik preassadieđáhusas.

- Advertisement -
-Almmuhus-