Girkonjárgga servodatviesus šaddet doalut álbmogii, nugo juo lávejit.
Sámeálbmotbeaivvi doalut Mátta-Várjjat gielddas lágiduvvojit guovvamánu 6.beaivvi servodatviesus diibmu 16-19, dieđiha lágideaddji sámeráđđi gielddas.
– Lea illudahtti go dán jagi sáhttit čoahkkanit árbevirolaš sámeálbmotbeaivvi doaluide servodatvissui, dadjá kulturossodaga jođiheaddji Harald Sørensen. Prográmma álgá njealjis, muhto dan ovdal lea vejolaš oastit mállása Centrum kafeas. Prográmma álgá juo diibmu 11, go de lea sámegiel/dárogiel ipmilbálvalus Girkonjárgga girkus.
Njoammuneastadeami geažil ferte diŋgot sajiid ovdagihtii, ja gielda bivdá iežaset siidduin geahččat ođasmahtton dieđuid dan birra.
