-Almmuhus-
-Almmuhus-
-Almmuhus-
OĐĐASATAppa veahkeha čuovvut lága go gávppašat olgoriikkas

Appa veahkeha čuovvut lága go gávppašat olgoriikkas

-

-

Jus dus lea «KvoteApp», de oainnát das jus leat váldán gálvvuid badjel eari maid lea lohpi váldit ráji rastá.

Jus dus lea badjelmeare olu gálvu mielde, de sáhtát dan Appa bokte máksit divada mii lea unnit go doaivvut, čállá Duollodirektoráhtta neahttasiiddus. Odne leat sii almmuhan ođđa appa mii veahkeha olbmuid čuovvut iežas rádjeeari go fitnet olgoriikkas gávppašeame.

 

Álki gávdnat man ollu earri lea

Iskosis, mii lea čađahuvvon, de lohket 52 proseantta jerrojuvvon olbmuin ahte eai dieđe man ollu duhpát- ja alkoholaearri lea, ja dušše njeallje proseantta diehtá man ollu máksá duollohit ovtta viidnebohttala.

Duolloetáhta almmuha ge dál vuosttaš appa máilmmis mas beassá máksit vearu gálvvuin ja mas gávdná dieđuid. Dan appas lea vejolaš registreret makkár duhpát- ja alkoholagálvvut dus leat mielde. Appa rehkenastá leat go eari siskkobealde dahje olggobealde. Appain sáhtát maid duollohit gálvvuid ja máksit jus leat badjel eari ovdal go bijadat ráji rastá. Appa galgá álkidit sihke du ja duolláriid barggu. Jus duollárat bissehit du duollus, de sáhtát čájehit máksinduođaštusa mii lea appas.


Appa sáhttá leat ávkin iskat man ollu nuvttá earri lea ja goas šattat máksit. Govva: Duollodirektoráhtta.

– Dá lea vuosttaš lávki álkidahttit divatmávssu maid juohkehaš sáhttá ieš dahkat. Nubbi lávki lea fállat appa mas beasat buot gálvvuid registreret maid fievrredat ráji rastá. Ii dušše duhpáha ja alkohola, dadjá duollodirektevra Bjørn Røse.

 

Ollugat suoli fievrredan gálvvuid

43 proseantta sis geat leat jearahallama vástidan, mieđihit iežaset suollefievrridan gálvvuid, ja dán rádjái dán jagi muitalit duollárat juohkán 12 000 sáhku oktiibuot 8,1 miljovnna ovddas mátkkošteddjiide geain ledje beare ollu duhpát- ja alkoholagálvvut mielde.

– Mii ávžžuhit mátkkošteddjiid, geat háliidit eanet gálvvuid fievrredit ráji rastá, váldit atnui «KoteAppa». Dainna sáhtát jođánit duollohit gálvvuid, muitala duollodirektevra.

-Almmuhus-