-Almmuhus-
OĐĐASATApp'a oahpaha dikšut elliid

App’a oahpaha dikšut elliid

-

-

Dál lea ilbman ođđa app’a mii veahkeha heasta, bussá ja beatnateaiggádiid dikšut elliideaset.

Agria lea ráhkadan elliid-app’a, ‹‹Dyreguiden››. Doppe sáhttet sii geain leat eallit mannat lohkat olu rávvagiid elliid birra. App’as maid gávdná lagamus elliidklinihka.

Sii áigot ahte dieđut elliid dikšuma birra galget leat olámuttos heasta, bussa ja beatnateaiggádiidda.

– Lea liigedorvu ahte eaiggát gávdná dieđuid telefuvnnas, jus ealli fáhkka roasmmehuvvo, lohká Agria IT-hoavda Kaj Holmberg preassadieđáhusas.

 

Oahpista

‹‹Dyreguiden›› oahpista maid lagamus elliidklinihkkii. Vaikko máhtát ieš dikšut ealli, de lea dehálaš jođánit beassat šibitdoaktára lusa.

– Áibbas ođđa funkšuvdna app’as lea ahte eaiggát ieš beassá ohcat šibitdoavttirklinihkaid mat leat das lahkosis. Dat boahtá bures ávkin go hoahppu lea šibitdoaktára lusa, lohka Holmberg.

 

Veahkkin nama bidjat eallái

App’a sáhttá maid veahkkin nama gávdnat eallái. Go šluvggát telefuvnna, de boahtá summal nammaevttohus, leaš dál bussái, beatnagii dahje hestii. Buot filmmat maid Agria almmuha Youtube neahttasiidui, sáhttá maid geahččat app’a bokte. Dat leat sihke somás ja diehtojuohkin filmmat. Maiddai AilityJeanette ja Hestebloggen bloggaid sáhttá čuovvut app’a bokte.

 

Oahpaha dikšut

App’ bokte oažžu veahki daid dábáleamos dikšumiid birra, ovdamearkka dihte jus beana lea snelkehallan, ja movt bandáša giessá beatnatjuolgái. Doppe oažžu dieđuid movt galgá jus bussá borra šattuid maid ii ábut, dahje dálkasiid. Oažžu maid dieđuid movt galgá dahkat jus ferte addit heahteveahki bussái. Jus balat ahte heastas lea kolihkka, dahje dat skierbmu, de oaččut dasa maid rávvagiid.

-Almmuhus-