-Almmuhus-
OĐĐASATÁppa lea badjel bealle miljovnna geardde vižžo­juvvon

Áppa lea badjel bealle miljovnna geardde vižžo­juvvon

-

-

Ođasmahttojuvvon njoammunguorran áppa, «Smittestopp» lea vižžojuvvon 543.000 geardde dan rájes go almmuhuvvui juovlamánu 21. beaivvi. 

Álbmotdearvvasvuođainstituhtta dieđiha ahte dán rádjái leat 602 olbmo dieđihan áppa bokte ahte sis lea korona

– Mii leat hui ilus go nu oallugat leat viežžan áppa, ja sávvat ahte olu eambbosat vel vižžet dan, dadjá Álbmotdearvvasvuođainstituhta veahkkedirektevra Gun Peggy Knudsen preassadieđáhusas. 

Njoammunguorran áppa lea dat nubbi mii lea anus, ja erohus dan ovddit áppas lea ahte dát ii geavat GPS-guorrama ja ii atte persondieđuid guovddáš serverii. Áppa geavahuvvo dušše njoammunguorranbarggus, ii ge analysaide ja dutkamii. 

-Almmuhus-