-Almmuhus-
SMÁVVAOĐĐASATAnton Dahl gudnejahttojuvvon 

Anton Dahl gudnejahttojuvvon 

-

-

Guovdageainnu Gurutbellodaga Anton Dahla gudnejahtii bellodatjođiheaddji Guri Melby Gurutbellodaga jahkečoahkkimis mii lei mannan vahkoloahpa. 

– Háliidan Gurutbellodaga várás giitit Antona buot maid lea veahkehan eallima čađa. Dán jagi heittii báikkálaš jođiheaddjin Guovdageainnu Gurutbellodaga ovddas aŋkke 45 jagi maŋŋel. Dan jáhkán ferte leat olahus, dadjá Melby.

Dahl lei sátnejođiheaddji gaskal 1994 ja 1999. Melby dadjá ahte gullá sihke fylkka- ja báikkálašjoavkkuin ahte leat mielde Gurutbellodagas Antona dihtii.

 – Anán arvvus dán hirpmástuhtton fuomášumi. Das mas mun čevllohalan eanemus lea mo nuorat fámut Guovdageainnu Gurutbellodagas hálddašit ovddasvástádusa, ja dalle smiehtan várresátnejođiheaddji Isak Ole J. Hætta ja suohkanstivraovddasteaddji Berit Anne Sara Triumf, dadjá Anton Dahl.

-Almmuhus-