-Almmuhus-
-Almmuhus-
OĐĐASAT Antibiotikareseapta ii bistte šat go logi beaivvi

Antibiotikareseapta ii bistte šat go logi beaivvi

-

-

Dássážii lea leamaš dábálaš ahte reseapta bistá jagi, muhto dál ii galgga šat bistit go logi beaivvi.

Dán rájes galgá reseapta steampilastojuvvot, mii čájeha ahte reseapta ii bistte go logi beaivvi. Dát doaibma álggahuvvo unnidan dihte antibiotikageavaheami Norggas, ja lea čielga čuovvoleapmi našunála strategiijaplánas. 

Norgga šibitdivššárat ain čállet reseapttaid báhpirii, ja fertejit steampilastit ja čállit dáhtoniid. 

– Eanaš reseapttat leat čállon go galget dikšut infekšuvnna. Go reseapta bistá guhká, de sáhttá viežžat dálkasa maŋŋil, eará vigiid geažil, ja masa ii lean oaivvilduvvon. Go oanahaš bistá, de eastadit antibiotikageavaheami dalle go ii leat dárbu, lohká šibitdoavttir Helene Seljenes Dalum, Dálkkadoaimmahaga ásahusas.

Dearvvašvuođa- ja fuolahusdepartemeanta lea rievdadan láhkačállosa, vai dat šaddá vejolažžan. Eiseválddit leat ávžžuhan ahte reseapta galgá bistit logi beaivvi.

(©NTB)

- Advertisement -
-Almmuhus-