Maŋemus viđa jagis lea antibiotihka geavaheapmi mánáide garrasit unnon, čájehit reseaptaregistara logut.
2012:s gitta 2017 rádjái lea lohku njiedjan measta 30 proseanttain, dieđiha P4.
– Lea buorre ovdáneapmi, ja lohku njiedjá eanet mánáid gaskkas go rávisolbmuid gaskkas, lohká Norgga Mánáiddoavttersearvvi jođiheaddji Ketil Størdal.
Go antibiotihkka ii šat doaimma
Bealljenávhllahat lea okta ovdamearka.
– Eanas bealljenávhllahagat buorránit antibiotihka haga, ja de ii leat dárbu geavahit dakkár dálkasa, lohká son ja deattuha ahte jierpmálaš geavaheapmi lea dehálaš máŋggaid ákkaid dihte.
– Muhtin antibiotihkka maid atnet go vuoiŋŋahatbohccis leat infekšuvnnat, eai leat dárbbašlaččat ja sáhttet čuožžilit vigit mánás, lohká son P4ii.
Dasa lassin sáhttá badjelmeare geavaheapmi dagahit resisteanssa, mii fas dagaha ahte antibiotihkka ii šat doaimma go duođaid dárbbašit dan.
(©NTB)
