Son lea jagi áigi almmuhan dán skearru mainna dál vuittii bálkkašumi Suomas.
Suoma álbmotmusihka suorgi lea juohkán Eläköön Folk -bálkkašumiid. Jagi 2021 álbmotmusihkkaskearrun lea válljejuvvon Ánnámáret dahje Anna Näkkäläjärvi-Länsman ođđaseamos skearru «Nieguid duovdagat». Dán čállá Yle Sápmi.
– Ahte mii leat ráhkadan dákkár musihka, mii lea ánssášan dán bálkkašumi. Dat orru, ahte lea lihkostuvvan, dadjá Anna Näkkäläjärvi-Länsman Ylei.
Nieguid duovdagat -skearru almmustuvai diibmá Sámi álbmotbeaivve, muhto Annamáret ii leat koronapandemiija geažil beassan čuojahit almmolaččat ođđa skearru musihka. Dán jagi čuojaha son Tamperes sámi álbmotbeaivvedoaluin.
