Duorastaga, golggotmánu 10, beaivvi, álgá NRK Sápmi báddet ođđa Studio Sápmi-prográmmaid studios Kárášjogas. Máze nieida Ánne Márjá Hætta jođihišgoahtá dál sáddaga maŋŋel Ronald Pulk.
– Ánne Márjá lea gelddolaš nuorra prográmmajođiheaddji. Sus lea čehppodat ja sáhttá lágidit Studio Sámi stargadit ja duostilit, dadjá NRK Sámi prošeaktajođiheaddji Carl Gøran Larsson preassadieđáhusas
Mottiin cealkagiin ođđa áigodaga birra cealká prošeaktajođiheaddji ná: –Somás miellaláhki, miellagiddevaš guossit, buorre musihkka ja reaškkas. Dát sánit čilgejit maid bures min ođđa prográmmajođiheaddji. Sáhtán maid almmustahttit ahte sus lea sierra stunt-reporttar dán jagi.
Studio Sápmi lea guoimmuhanprográmma mii báddejuvvo NRK Sámis Kárášjogas. Studio Sápmái bohtet áigeguovdilis guossit miehtá Sámi. Sii muitalit iežaset eallindáhpáhusaid ja vásáhusaid birra. Maiddái Sámi kultuvra, dáidda ja musihkka lea stuora oassi prográmmas, čállá NRK Sápmi preassadieđáhusas.
