-Almmuhus-
-Almmuhus-
OĐĐASAT Jođihišgoahtá stuorámus sáme­skuvlla

Jođihišgoahtá stuorámus sáme­skuvlla

-

-

Anna Margrethe B. Hætta lea virgáduvvon stuorámus sámeskuvlla rektorin čavčča rájes. Skuvllas šaddet birrasii 350 oahppi, gos 95 % ohppiin lea sámegiella vuosttašgiellan ja oahpahusgiellan buot fágain.

– Bæhr Hættas lea oahpaheaddjioahppu, mastergráda 5.-10 ceahke vuođđoskuvlaoahpus ja jođihanoahppu. Son bargá oahppojođiheaddjin oahpaheaddjeoahpus Sámi allaskuvllas ja álgá doaibmat rektorin 01.08.21, dieđihit Guovdageainnu suohkana neahttasiiddus. 

Anna Margrehte  Bæhr Hætta lea dihtomielalaš dasa ahte lea sihke stuora ovddasvástádus ja dehálaš bargu jođihit ná stuora skvulla

– Dát lea oba stuora ovddasvástádus ja dehálaš virgi, man háliidan váldit vuostá. Anan gudnin dan go munnje lea fállon rektorvirgi Sámi stuorámus skuvllas čavčča rájes. Háliidivččen veahkkálagaid skuvlla bargiiguin olahit ahte ođđa skuvla šaddá buorre ja ahte lea alla kvalitehta. Háliidivččen maid ahte skuvla galgá leat geasuheaddji báikin buohkaide, lohká son suohkana neahttasiiddus. 

Guovdageainnu suohkana Kultur- ja bajásšaddanovttadaga suohkanjođiheaddji, Bodil Utsi Vars, lohká sis lea jáhkku ahte ođđa rektor nagoda čađahit skuvllaid ovttastahttima ja jođihit oahpahusáššiid nu ahte lea dat buot buoremus juohke oahppi ektui, danne go sus lea nanu oahppu, buorre bargohárjáneapmi ja bargovásáhusat.

-Almmuhus-