Amedia stivra lea virgádan Anders Opdahla (41) ođđa konseardnahoavdan.
Amedia stivra lea virgádan Anders Opdahla (41) ođđa konseardnahoavdan, son álgá virgái borgemánu 10. beaivvi. Otne lea Anders Opdahl Amedia konseardnadirektevra ja sus lea regionála ovddasvástádus mediaásahusas, golaheaddjimárkanis ja buvttaovdánahttimis. Opdahl lea earret eará leamašan Nordlys aviissa redaktevra ja regiondirektevra NRK Davvi-Norggas.
Amedia lea Norgga báikkálaš mediaid stuorámus almmuheaddji, beaivválaččat leat konseartnas 1,9 miljovnna lohkki, čállá Amedia preassadieđáhusastis.
Heaitá virggis
Dálá Amedia konseardnahoavda Are Stokstad dieđihii njukčamánus ahte son heaitá virggistis.
