Guovdageainnu Olgeš lea vehá maŋŋonan ollislaš listtuin dan geažil go sin njunuš Ellen Inga O. Hætta vádjolii gieskat.
Distaga doalai Guovdageainnu Olgeš nominašuvdnačoahkkima čavčča suohkanválggaid váste.
Altapostenii muitala bellodaga jođiheaddji, Anders J. Bals, ahte sii leat vehá maŋŋonan dainna bargguin Ellen Inga O. Hætta eretvádjoleami dihte. Čoahkkimis sii muittašedje su minuvtta jaskesbottuin ja muhtimat sis válde maid sáni su muitun.
Guovdageainnu Olgeš ii leat olles listtu vel ožžon čoahkkái, muhto sis leat vihtta bajimus nama goit gárvásat.
1. Anders J. Bals, sátnejođiheaddjeevttohas
2. Anni-Rauna Triumf
3. Isak Henrik Eira
3. May Britt Antonsen
5. Mikkel Isak Eira
Muđui čállá Altaposten ahte earát geat galget dán listui, leat Anders Isak Oskal, Sara Maret Ravdna Oskal Skum, Anders A. Sara, Annalyn Solheim, Gert Torbjørn Stålberg, Kristin Berntsen, Odd Henrik Hætta ja Ivan Eikelmann.
