Buot meahccebiilageainnut Báhčaveajis leat dál rahppon. Anárjotgeaidnu Kárášjogas lea ain gitta.
Anárjotgeaidnu Kárášjoga gielddas lea rabas bumma rádjái, muhto geaidnu lea giddejuvvon bummain Goššjotšalddi rájes. Geaidnorenne Grønnli buohta lea molsojuvvon ja diekko lea dál manahahtti biillain. Eanaš bartaeaiggádat besset dál barttaideaset lusa, čállá Finnmárkuopmodat (FeFo).
SNO lea diđoštan geainnu Grønnli rájes geassemánu 6. beaivvi. Geaidnu gaskal Ráitejoga ja Basevuovddi lea máŋgga sajis billašuvvan. Divodeamit joatkašuvvet 26. vahkkus.
– Mii bivdit bartaolbmuid ja earáid, geat háliidivčče leagi ráigge bajás biillain, čájehit gierdevašvuođa go ádjána divodit buot bilidemiid maŋŋá dán jagáš goavvedálvvi. Mii oaidnit maid ahte geaidnu ii gierdda lossa fievrruid, ja šaddat dađistaga galbet deaddogáržžádusain, čállá FeFo.
Buot meahccebiilageainnut Báhčaveajis leat dál rahppon. Dás gávdná eambbo dieđuid Finnmárkku meahccebiilageainnuid birra mat leat gitta ja rabas.
