Anárjohka Pride doalut lágiduvvojit Gáregasnjárggas ihtin. Árbevirolaš Pride-vázzin leat rievdaduvvon suohtastallan ja háleštan doallun.
Anárjohka Pride lágiduvvo Gáregasnjárggas lávvardaga. Dán báikkis eai leatge ovdal leamašan Pride-dáhpáhusat.
– Háliideimmet lágidit Pride deaivvadeami dáppe min guovllus, muitala Ánne-Sofe Niittyvuopio Yle Sápmái.
Lohká lágideaddjit bovdejit guktuid beale rádjájoga olbmuid doaluide mat lágiduvvojit ovddeš Loma Karigas báikkis suoidnemánu 23. beaivvi tiibmu 15.00 Suoma áiggi.
Anárjohka Pride -eahket
Son muitala Pride lea proteasta girjáivuođa ja olmmošvuoigatvuođaid bealis. Pride doaluin leat bargobájit, biepmu ja musihka. Niittyvuopio muitala Anárjohka Pride doaluin eai šatta šaddá dábálaš Pride-dáhpáhusat nu go ráidovázzin.
– Mii leat mearridan ahte árbevirolaš Pride sajis mii ovttastallat, lohká Niittyvuopio gii lea okta dain njealji lágideaddjiin.
