-Almmuhus-
OĐĐASATAnárjoga álbmotmeahci ealgabivdu olles Norgga álbmogii

Anárjoga álbmotmeahci ealgabivdu olles Norgga álbmogii

Journalista

-

-

FeFo fállá dál bivddu guovtti bivdoguovllus Anárjoga álbmotmeahcis olles Norgga álbmogii. Sii oalgguhit olbmuid meahccevásáhusaiguin doppe gos dat stuora ealggat leat.

Maŋŋel go Finnmárkku ealgabivdit leat vuoruhan iežaset bivdoguovlluid ja sii geat leat vuordinlisttus maid leat beassan vuoruhit, de leat ain guokte guoros bivdoguovllu. Goappašat bivdoguovllut leat Anárjoga álbmotmeahcis ja dat leat Gavdnajavri ja Skiehccanoaivi.

Geassemánu 6. beaivvi nohká ohcanáigemearri bivdoguovlluide gos bivdojoavkkut šaddet máksit birrasii 70 000 ruvnno, ja vel kilohatti biergguid ovddas. 

FeFo láhčá bivdojoavkkuide helikoptermátkkošteami Basevuovddis bivdoguovlluide ja fas ruovttoluotta ja báhččon ealggat maid vižžojuvvojit dađistaga helikopteriin.

Bivdoáigi lea čakčamánu 13. beaivvis 25. beaivvi rádjái ja bivdoearis leat njeallje ealgga. 

-Almmuhus-