Anára gielda dieđiha iežaset neahttasiddus ahte gielddas lea ovtta olbmos duođaštuvvon njoammudávda.
Lappi guovddáža infekšuvdnadoavttir Markku Broas Lappi dadjá ahte jáhkkimis njoammungáldu lea olgoriikkas. Maiddái Kolaris lea duođastuvvon korona muhtun ruoŧŧelaččas, dieđiha Yle Sápmi.
Roavvenjárggas leat vahkkoloahpas váldán 50 olbmos iskosa Mátta-Afrihká koronavariántta geažil. Njoammun lea gávdnon restoráŋŋabargis ja testen guoskkaha su bargobirrasa.
Suoma dervvašvuođainstituhtta dieđiha ahte Länsi-Pohja guovllus leat maŋemus guovtti vahkus gávdnan 12 njoammuma ja Lappi guovllus fas 14.
