Anára Siida lea ođasmahtton ja viiddiduvvon.
Viiddidanoassi gárvánii giđđat 2021, ja dál leat gárven fidnu nuppi muttu, mas leat earret eará ođasmahttán bargolanjaid ja ollašuhttán dálloteknihkalaš ođastusaid.
Sámemusea ja Luondduguovddáža Siiddas leat dál ođđa musea- ja luondduguovddášlanjat, mat devdet teknihkalaččat ja doaimmalaččat dálá gáibádusaid. Ođasmahtton ja viiddiduvvon Siida-huksehus lea heivehuvvon lassánan doaimmaide ja lassánan galledeaddjilohkui.
– Dál leat ođasmahttán bargoveaga bargolanjaid, viiddidan feaskkerhálla ja ollašuhtton huksen-, LVI- ja šleađgateknihkalaš divvun- ja ođasmahttindoaibmabijuid. Erenomáš fuomášumi leat gidden čuovggaide ja akustihkka- ja dorvvolašvuođačovdosiidda ja lassin energiijabeaktilvuhtii, muitala Senaatti-giddodagaid huksehanhoavda Miikka Teppo preassadieđáhusas.
