Politiijat Anára guovllus leat lávvordaga álgán ohcat láhppon nissonolbmo Kiilopää guovllus, Urho Kekkosa álbmotmeahcis.
Suoma politiijat ožžo lávvordaga dieđu ahte nissonolmmoš ii lean boahtán ruoktot. Su leat maŋimuš oaidnán bearjadaga ja suinna leat ságastan telefovnna bokte lávvardaga. Dan maŋŋá eai leat šat fáhten su ságaide, dieđihit Suoma politiijat.
Dát nissonolmmoš lei čuoiganmátkkis ja sus leat mielde ijastangálvvut. Suoma politiijat dieđihit ahte sus leat badjelis sevdnjes buvssat, čuvges jáhkka ja gahpir mii lea ruoksat ja vielgat. Suoma politiijat ávžžuhit olbmuid dieđihit sidjiide jus leat oaidnán dehe vuohttán oktonas nissona Kiilopää guovllus Urho Kekkosa álbmotmeahcis Anáris.
